Միջոցառումներ

Փառատոնը նվիրված է հայկական խոտաբույսերի բյուրապատիկ բազմազանությանը, որտեղ կարող եք ծանոթանալ դրանց օգտագործման տարբեր եղանակներին և բուժիչ հատկություններին: Այն բացօթյա փառատոն է՝ նաև տարածաշրջանին հատուկ զանազան մշակութային հուշանվերների և էկոսննդի առկայությամբ: 

Միջոցառումը տեղի է ունենում ամեն տարի Երևանի Զաքյան փողոցում, որտեղ կհանդիպեք հայկական գարեջուր արտադրող գրեթե բոլոր ընկերություններին։ Գարեջրի համար կատարյալ հավելում կլինեն զանազան ուտեստներն ու խորտիկները, որոնք կատարելապես կլրացնեն գարեջրի համեղ համը:

Մեղրի և հատապտղի փառատոնը երկօրյա է և անցկացվում է Բերդ քաղաքում։ Այն նվիրված է գյուղատնտեսության, մեղվաբուծության, արվեստների, արհեստների և զբոսաշրջության խթանմանը: Փառատոնը բացվում է ջազային համերգով: 

Ամեն ինչ սկսվել է Քարահունջի թթի օղուց։ Փառատոնը սկսվում է թթի բերքահավաքով, այնուհետև կարող եք վայելել օղու թորման գործընթացը։ Այնուհետև տեղի է ունենում համտեսը, որն ուղեկցվում է հայկական համեղ ուտեստներով և ժողովրդական երաժշտությամբ ու պարով:

Արենի գինու փառատոնն անցկացվում է ամեն տարի աշնանը՝ Վայոց ձորի Արենի գյուղում, որը հայտնի է իր գինեգործական հնագույն ավանդույթներով։ Տոնավաճառում տեղի և շրջակա համայնքների բնակիչները ներկայացնում են իրենց գինիները, հայկական լավագույն պանրի տեսականին, ազգային ուտեստներ ու հուշանվերներ

Ամեն տարվա մայիս ամսին Երևանի գինու օրերը Սարյան փողոցում հավաքում է գինեսերների՝ համտեսելու և պարզապես վայելելու հայկական գինիների ընդհանուր փունջը: Արագ դասերը, կույր համտեսներն ու կենդանի երաժշտությունը լիակատար կդարձնեն ձեր բարձր տրամադրությունն այս փառատոնում:

Փառատոնին մասնակցում են ֆերմերներ Հայաստանից, ինչպես նաև հարևան երկրներից (Արցախ, Վրաստան, Իրան): Փառատոնի հյուրերը կարող են համտեսել և ձեռք բերել տարբեր տեսակի գյուղմթերքներ։

Փառատոնն ամռան մեկնարկով կապուտակ Սևանի ափերին է միավորում ամբողջ աշխարհի երիտասարդությանը` ինչպես երաժշտություն վայելելու, այնպես էլ երաժշտական կատարումներ ներկայացնելու համար։ 

Դիլիջանում անցկացվող Արվեստների և արհեստների փառատոնը նպաստում է տարածաշրջանին հատուկ արվեստների ու արհեստների, այդ թվում՝ դեկորատիվ արվեստների զարգացմանը, ինչպիսիք են խեցեգործությունը, դարբնությունը, փայտամշակումն ու ազգային խոհանոցը: 

Ամեն ամառվա վերջին կիրակի օրը Դիլիջանի և խոշորացված համայնքի մեջ մտնող գյուղերի խոհարարներն ու արհեստագործները հավաքվում են «ԴիլիՏոն» տեղական տոնավաճառին, որտեղ էլ ներկայացվում է տարածաշրջանի մշակութային ժառանգությունը:

Այցելուները կարող են սովորել ժողովրդական պարեր, իրենց ուժերը փորձել ձեռքի աշխատանք պատրաստելիս, մասնակցել խաղերի ու մրցույթների և, իհարկե, օգտվել տեղական ուտեստների բազմազանությունից:

Պարզեք, թե որտեղ է անցկացվելու փառատոնն այս տարի։ Դա մի տեղ է, որտեղ մաքուր է օդը, իսկ բնությունն անձեռնմխելի է մնացել։ Այսպիսով, սնունդը, մրգերը, բանջարեղենը և միսը բարձրորակ են և շատ համեղ:

Բացօթյա այս փառատոնը հրավիրում է լավագույն խմբերի կատարմամբ ըմբոշխնելու հայկական ժողովրդական երաժշտության տիեզերական հնչյունները։ Ոգեշնչվե՛ք, քանզի կսովորեք հայկական պարերի տարբեր ոճեր ։  

Գաֆէսճեան քանդակների պարտեզում փառատոնն ուղեկցվում է արհեստավորների աշխատանքների բացօթյա ցուցահանդեսով: Այստեղ դուք քարող եք նաև տարբեր տեսակի վարպետության դասեր ուսանել։

Արարատյան դաշտի և Վայոց ձորի հետ մեկտեղ Տավուշը հանդիսանում է Հայաստանի կարևորագույն գինեգործական շրջաններից։ Դուք կարող եք վայելել տեղի արտադրողների գինիները, ինչպես նաև ամենահանրաճանաչ մրգային օղիները՝ պատրաստված հոնից, վայրի տանձից և սալորից:

Գաթան հայկական ազգային թխվածք է։ Խոհարարներն ու տեղացի կանայք մասնակիցներին ներկայացնում են տարբեր տեսակի գաթաներ և անցկացնում դրանց պատրաստման վարպետության դասեր:

Տոլման ավանդական ուտեստ է, որը պատրաստվում է խաղողի տերևներով փաթաթած աղացած մսից։ Փառատոնի ընթացքում Հայաստանի տարբեր մարզերի խոհարարները համտեսի համար ներկայացնում են տոլմայի իրենց տարբերակը: Կան նաև փորձագետներ, ովքեր բացահայտում են փառատոնի հաղթողներին։ 

Այս գեղատեսիլ պարկն այցելելու ամենահրապուրիչ ժամանակը դրա ծննդյան տոնակատարության փառատոնն է: Պարկում իրենց ժամանցն անցկացնելիս, այցելուները կարող են վայելել երաժշտական կատարումներ, օգտվել կոկտեյլներից և խորտկարանից, իսկ որպես հանգստյան օրերի արձակուրդ՝ ընկերների հետ դուրս գալ աստղերի ներքո գիշերային արշավի:

Երևանի երաժշտական գիշերը Շառլ Ազնավուրի հրապարակում միավորում է երաժշտության սիրահարներին և ապահովում նրանց բարձր տրամադրությունը։ Երեկոյի ընթացքում քաղաքացիները և քաղաքային հյուրերը հաճախում են համերգներին, վայելելում լավագույն արտիստների՝ երաժշտական տարբեր ժանրերի կատարումները: