Գինեգործարաններ

Արմեն և Աշխեն Խալաթյաններին պատկանող Օլդ Բրիջը բուտիկ գինու գործարան է, որը մասնագիտացած է կարմիր չոր Արենի Ռեզերվի և սպիտակ Ոսկեհատ գինիների ստեղծմամբ: Կարմիր գինիները մի քանի ոսկե և արծաթե մեդալներ են նվաճել հայտնի մրցույթներում, ինչպիսիք են Mundus Vini-ն և Mondial-ը: Գինիները համադրեք հայկական համեղ ուտեստների և երկրի ամենահարավային հատվածի հայկական ձիթապտուղների հետ: Վայելեք ձեր հանգիստը Եղեգնաձորի գագաթին գտնվող B&B Old Bridge-ում, որտեղից բացվում է գեղեցիկ տեսարան դեպի լեռները և Արենիի հովիտը:

Կայունությունը, ընտանեկան ավանդույթները և փորձը միավորվում են: Կարաս, որը նաև գինու անվանումն է, հայերեն նշանակում է «ամֆորա», սուրբ գինեգործական կավե անոթ, որն օգտագործվել է վերջին 6000 տարիների ընթացքում: Արգենտինայի հայկական սփյուռքի Էռնեկյան ընտանիքը հիմնել է Karas Wines-ը՝ ձգտելով թարմացնել իրենց արմատները: Գինեգործարան շրջագայությունը սկսվում է 400 հա խաղողի այգիներով և 30 տեսակի խաղողի միջով: Հյուրերը ծանոթանում են կալվածքի պատմությանը և վայելում գինու համտեսը գինիների մեծ ընտրանիով:

Գինու գործարանը տարածքում ամենահին և ամենահեղինակավորներից է: Այն նախաձեռնել է Արենի գյուղի Սիմոնյան ընտանիքը՝ նպատակ ունենալով հարստացնել գինեգործական ավանդույթները տարածաշրջանում և ամբողջ երկրում։ Գինու գործարանը 2012 թվականից սկսած ամեն տարի ընդունում է մոտ 30,000 այցելու: Այստեղ կարող եք համտեսել խաղողից և այլ մրգերից պատրաստված գինիներ: Նռան գինու պտուղները բացառապես աճեցվում և գինեգործարան են բերվում Արցախից (Լեռնային Ղարաբաղ): Այցելեք գինեգործական խանութ, որտեղ կարող եք գտնել հուշանվերներ և ձեռագործ նվերներ, ինչպես նաև գնման համար գինիների ընտրանի:

Մոմիկի խաղողի այգին և WineCube-ը գտնվում են Արենի գյուղից անմիջապես արևմուտք, մոտ 10 րոպե այն կողմ, որտեղից անցնում է Արենիի գլխավոր մայրուղին։ Սեփականատերերը՝ Նվերն ու Նարինեն, արդեն 20 տարի է ինչպ ատրաստում իրենց գինին։ Նրանք իրենց գինու ապրանքանիշը անվանել են «Մոմիկ» ի պատիվ 14-րդ դարի ճարտարապետի, ով կառուցել է իրենց գյուղի եկեղեցին և Նորավանք վանքը։ Մոմիկի հիմնական առանձնահատկությունը նորարարական WineCube-ն է՝ համտեսի սենյակի կառուցվածքը հենց խաղողի այգում: Շրջել խաղողի այգում, համտեսել գինիներ, վայելել տեղական ուտեստները և սովորել խաչքարագործության հնագույն արհեստը:

Ազարիան հիմնադրել են Հրանտ և Մարինե Եղիազարյանները։ Գինու անվանումը գալիս է նրանց ազգանվան վերջին մասից՝ Ազարիա։ Հին խաղողի որթը հիմնադիրների ընտանեկան պատմության խորհրդանիշն է: Ընկերությունն առաջարկում է երեք տեսակի գինիներ՝ Ազարիա Արենի, Ազարիա Հաղթանակ-Արենի և Ազարիա կանգուն: Վերջիններիս պատրաստված են Արարատյան դաշտավայրի Ազարիա ընտանիքի խաղողի այգիներում:

Վան Արդին առաջին բուտիկ գինեգործարաններից է Հայաստանում։ Ընտանեկան գինեգործարանը գտնվում է հնագույն գինեգործական տարածքում՝ Արագածոտնի մարզում իր եզակի տեռուարով: Վան Արդիի խաղողի այգիները հիմնվել են 2008 թվականին գինեգործ Վարուժան Մուրադյանի կողմից, որի տեսլականն է օգնել Հայաստանի գինեգործության մշակույթի ծաղկմանը: Մուրադյանը և իր ընտանիքը Կալիֆորնիայից տեղափոխվել են Հայաստան: Վան Արդիի առաքելությունն է Հայաստանը դնել համաշխարհային գինու քարտեզի վրա՝ իր որակյալ և բնավորությամբ յուրահատուկ, նրբագեղ և մրցանակակիր գինիներով:

Այս գինեգործարանն առաջինն է Հայաստանում, որը թողարկում է սերտիֆիկացված օրգանական գինի։ Պատմությունը սկսվեց այն ժամանակ, երբ երեք (Trinity) էնտուզիաստներ որոշեցին մտնել գինու արհեստագործության խորհրդավոր աշխարհ: Խաղողագործների և գինեգործների նույնքան կրքոտ խմբի աջակցությամբ նրանք Վայոց ձորի լեռնաշխարհում հիմնեցին յուրահատուկ խաղողի այգի: Տրինիտիի հիմնական նխատակներից է նվազագույն եկամտաբերությամբ և առանց ժամանակակից զանգվածային արտադրության պրակտիկայի կիրառման օրգանական գինու արտադրության հիմնումը: Մրցանակակիր Trinity գինիները լցված են հավատքով, ավանդույթներով և լեգենդներով, որոնք միշտ փարոս են ծառայելու հայ գինեգործների բոլոր ձեռնարկումների համար:

Համտես գինին` վայելելով տեսարանը որը բացում է մեր երիտասարդ խաղողի այգիները: Մեր հյուրատան ներսում դուք կհայտնվեք հարմարավետ, հմտորեն ձևավորված մի վայրում, որտեղ հաճելի է հանգստանալ, զրուցել և մտորել: Գինեգործարանն ու խաղողի այգին շրջապատում են բիբլիական Արարատը, Արագած լեռը և գեղեցիկ Արա լեռը: Ազգային գինիների և ուտեստների համտես, հեծանվային շրջագայություններ և վարպետության դասեր:

Տասնամյակների նվիրված աշխատանքի արդյունքում գինեգործարանի ոգելից խմիչքների ամենալայն տեսականի է ստեղծվեց Հայաստանում: Հեշտ է հասնել, քանի որ այն գտնվում է Երևանի ծայրամասում։ Ֆրունզիկը Պռոշյանի կողմից ներկայացված ամենաթարմ գինիների շարքն է։ Ընկերությունն առաջարկում է նաև տարատեսակ ապրանքներ՝ կոնյակ, գինի, օղի և փրփրուն գինի։ Գինու գործարանում բաց մի՛ թողեք բացահայտել սեփականատերերի ապշեցուցիչ մինի ալկոհոլային շշերի հավաքածուն:

Այս գինեգործարանը կառուցված է հայկական ճարտարապետության լավագույն ավանդույթներին համապատասխան և միջնադարյան ամրոց է հիշեցնում։ Գինեգործարանը առաջարկում է հատուկ պատրաստված, եզակի զբոսաշրջային փորձառություններ, որոնք ներառում են շրջագայություններ գինու արտադրության օբյեկտների շուրջ, գինու համտեսներ, խնջույքներ օրգանական խաղողի այգիների սրտում և նույնիսկ ուղղաթիռներով շրջագայություններ: Այստեղ դուք կվայելեք հմայիչ տեսարան դեպի Արարատ լեռը: «Արմենիա Վայնը» արտադրում է փրփրուն և հարստացված գինիներ տեղական խաղողի տեսակներից, ինչպիսիք են Կանգունը, Ոսկեհատը, Արենիը և Հաղթանակը, ինչպես նաև միջազգային հայտնի սորտեր:

«Ալուրիա» գինեգործության պատմությունը սկսվել է Վանի մերձակայքում գտնվող փոքրիկ Այլուր գյուղից, որը ներկայիս Թուրքիան է, որտեղ Մաչանյան ընտանիքը դարեր առաջ խաղողի այգիներ ուներ: Ոգեշնչված ընտանիքի մի քանի դարերի գինեգործության ավանդույթներից՝ այսօրվա գինիները կարմիր են Հաղթանակից, Կարմրահյուտից և Կնդողնի խաղողի տեսակներից. ինչպես նաև Ոսկեհատից Ալուրիա Գեղեցկուհին: Գինիները պատրաստվում են ավանդական մեթոդներով, ինքնաբուխ խմորումով, ինչը նշանակում է, որ կոմերցիոն խմորիչներ և սուլֆիտներ չեն ավելացվում:

Գոլդեն Գրեյփ Արմաս գինեգերծարանը հիմնադրել է հայրենիք հայրենադարձված Արմեն Ասլանյանի կողմից։ Կալվածքն ունի 180 հեկտար հողատարածք, որտեղ աճեցվում են հայկական էնդեմիկ խաղողի տեսակներ, որոնցից յուրաքանչյուրը ստեղծում է ներդաշնակ յուրահատուկ գինիներ՝ լի մշակույթով, պատմությամբ և ավանդույթներով։ Գոլդեն Գրեյփ Արմաս գինեգերծարանը վերակենդանացնում է Հայաստանի գինեգործական ժառանգությունը խաղողագործության ամենահին հայտնի տարածքներից մեկում